金價研究

 大家好，事隔多年，歡迎回來呢個財經頻道。今日同大家講下黃金呢個話題。

由2024年開始，金價展開咗一個非常強勁嘅升浪，一路升到歷史高位。最新呢一刻，實金喺大概$4,000美元水平附近徘徊 —— 近期由高位回吐由高位回吐咗之後，喺$4,000美元呢個關口睇到明顯嘅支持。

今日想同大家詳細分析下：喺$4,000呢個位置，點解有咁龐大嘅支持？ 金價嚟緊一兩年，係咪投資者必備嘅資產？美元嘅走勢又會唔會限制到金價嘅進展？

第一點：$4,000美元嘅支持點解咁重要？

首先睇返圖表，金價喺六七月中到八月頭呢段時間，大致上喺$4,000水平橫行咗差不多一兩個月。可能短暫跌穿過，但大致上測試咗幾次，呢個底都好穩實。

圖表上，$4,000成為一個好龐大嘅支持，背後有幾個原因。

第二點：聯儲局減息預期，金價嘅重大支持

大家都知道買金係冇利息收嘅，所以利率高低對金價影響好大。近期美國出嚟嘅數據 —— 就業數據轉差、通脹數字回落 —— 令市場覺得聯儲局加息嘅機會降低咗。利率一低，持有無息嘅黃金機會成本就細，呢個就直接支撐金價。

最新個聯儲局主席Warsh，佢講嘢好慳，冇透露太多方向，但市場普遍預期利率難有大幅上升空間。呢個係對金價有利嘅環境。

第三點：央行需求 — 一個史無前例嘅訊號

呢度有一個數字好值得留意：全球黃金需求入面，中央銀行嘅佔比竟然去到23%！ 呢個係超越咗投資需求（20%）同珠寶需求喺黃金佔比之上 —— 係我睇咗咁多年世界黃金協會報告以嚟，央行吸金佔比最強嘅一次。

雖然有啲經濟弱國喺度拋售黃金，但有更加多嘅經濟強國喺度吸納。如果呢個勢頭持續，央行好可能成為未來主導黃金需求嘅最重要力量。

第四點：美國債務危機 — 點解「信黃金好過信美元」

美國財政都係一個好緊要嘅問題。財政年度頭十個月嘅赤字已經超越上一個全年，仲有利息支出，去到成$9,000幾億美金 —— 按年升咗14%。以咁樣計，今年成個財政年度，淨係還利息好可能突破$1萬億。

$1萬億係咩概念？美國成個國防預算先係$1萬億水平。你諗下,淨係還利息就等如成個軍費咁滯。

當人們覺得美元信用受到影響，自然就會諗：唔信美元,信咩？ —— 就係黃金。黃金唔會好似美元咁不斷印，呢個係佢最本質嘅價值。

第五點：香港金庫 — 人民幣國際化嘅重要一步

7月7號,香港成立咗一個金庫,看似平常,但其實對*人民幣國際化*好重要。

諗下：如果各國用人民幣做貿易結算,賺咗人民幣可以用嚟做咩？買中國國債?規模唔夠大。但係——喺香港可以将人民幣換成黃金,存入金庫。咁樣,人民幣背後就有黃金做支撐,同美元國債支撐係兩個唔同嘅體系。

我相信好多國家都唔想將所有雞蛋擺喺美國,所以會擺啲喺黃金。呢個係一個長遠利多因素,已經開始浮現。

市場情景分析

綜合長短線因素，金價邊個方向機會大啲？

我認為：$4,000美元已搵到龐大支持，因為已經測試咗成個幾月。跟住落嚟，要睇*中東/地緣衝突*點樣演變。

- 如果地緣衝突惡化、油價飆升 → 資金需要黃金去兌換美元買石油 → 金價短期有支持

- 如果戰爭慢慢走向和解 → 風險偏好回升 → 金價反彈返歷史高位（$5,000以上水平），呢個機會我認為較大

所以喺呢個大前提下，我估計金價跟住有機會走高。

潛在風險

都要留意潛在風險。最大一個係：美國會唔會大幅加息？

- 如果聯儲局真係大幅加息（特朗普喺任內傾向唔加息嘅主席，但市場要睇實際情況）

- 如果通脹再度上升，而聯儲局要行動 —— 短線對金價構成壓力

不過要留意：一旦聯儲局獨立性受市場質疑，反而會令金價升得更明顯。呢個係一個微妙嘅關係。

部署建議

講返部署。以而家世界局勢咁不明朗 —— 地緣衝突、美國債務、通脹、聯儲局方向 —— 全部都係利好黃金嘅長線因素。

我嘅建議係：喺未來一至兩年，黃金應該納入投資者資產部署嘅選項。 最起碼,喺你嘅整體投資部署入面,預留10%嚟買金。

黃金既可以保值，又可以喺動盪市況之中提供一個避險出口。而家$4,000附近先做基礎部署,係一個唔錯嘅時機。