曹仁超：恒指後市先彈後跌

以論「勢」馳名的財經專欄作家曹仁超認為，無論股票、黃金、美元， 2010致勝策略仍是「睇啱個勢」，他指 09年各國政府出手救市，今年退市。形勢變，曹 Sir亦修正恒指支持位，由 19500點下調為 18900點，往後大市呈「上上落落」格局，上行介乎 19000點至 23000點，下行介乎 16000點至 23000點，而港股周一將先反彈再下跌。

避開內房黃金牛市尾聲

「揀股唔炒市」是另一致勝策略，曹 Sir建議「買定預備有 CDR嗰啲股」，首要避開內房股，窮不與富鬥、富不與官爭，你無喇喇整個地王（指富力（ 2777）、雅居樂（ 3383）及碧桂園（ 2007）投得 255億番禺地王）咪俾人打壓囉，我擔心今年中央會續打壓內房」。而內銀股亦應避之則吉。

除 CDR概念，曹 Sir推介中移動（ 941）及電盈（ 008），兩隻股份「下跌風險少過 10%，升幾多就唔知……中移動 68蚊水平，我夠膽講只會有 upside（上升）!」而推介原因似乎是物極必反，「一個就衰到啲高級職員俾人雙規（指中移動副董事長張春江），一個就剛剛添完丁（指電盈主席李澤楷），之後就係發財喇」，不過中移有三網融合這個利好概念支撐，而電盈股價則有申請免費電視牌照這個利好消息承托」。至於牽動港股情緒的美股，曹 Sir表示美股自 09年 3月開始的上升浪，有可能會在今個月結束。

另外，曹 Sir提醒黃金的牛市已達「牛尾」階段，即將來臨是上落市，金價上行 1250美元（每盎斯），下行 950美元至 1050美元。