祝各位新年快樂，牛年行大運，大吉大利，龍馬精神，萬事如意，心想事成...
最重要係… “財源(?)滾滾來”
由於對沖基金約章問題，要等本基金後“無任何倉位時" 才可發表文章…
“現在全球焦點放在減息抗衰退，債市當然受追棒。”
3A Research 展博研究部--記者專訪(四)
http://3aresearch.blogspot.com/2008/10/3-research.html
10-3-2008
巧合地，不出幾日後:
“全球啟減息潮 澳洲大減一厘”
http://paper.wenweipo.com/2008/10/08/YO0810080001.htm
10-8-2008
有一點較少人提及關於減息至接近零的問題，多數人現在提及的，多數是究竟會出現惡性通脹定係通縮？我反而想講講另一個問題。試想想，如果你係一位差不多退休，或者已經退休的人士，辛苦左一世人，攞住一筆錢，又唔係真係多到叫做打跛腳都唔駛驚，咁樣係現今零利率的情況之下，你無工作，將來會點？因為銀行的存款利率係零，即係冇息收，但買其他野又驚連本都蝕埋，股票好，外幣好，樓好，都可能會利大本無歸；銀行推介的乜乜物物又信唔過，好多基金又搵老襯，點好？結果係：一係就再做野或遲點先退休，咁樣後生一輩大鑊，同埋間接推高失業率；一係就開唔到源，唯有節流，減少消費。我都有些擔心，今次先進地區好似美國歐洲等，會步日本後塵，消費市道出現一段長期呆滯期，可能係幾年，咁樣中國同香港就會受到連鎖的影響，到時唐英年食幾多個菠籮包都救唔到消費。
中字頭同地產股，冇運行。長期因素不會被中期反彈所影響而改變，中國的長期高速發展非常依賴出口，當美國、歐洲、日本等先進地區出現嚴重基本因素的改變導致需求崩潰，出口導向的經濟體系必受重大影響。中國過往的高速增長，建基於以上條件，但當需求大跌之下，必會導致產能嚴重過剩，經濟大幅放慢；慢慢引致消費減弱和失業上升。一般企業的表現會轉壞，銀行呆壞帳會上升。這是經濟週期向下時必經的情形，中國的經濟而經融入世界，所以不會不受影響。當中國出現上述情況，其實已經和衰退無異，香港的情況必定不會好，各行各業都會受影響，最後又係失業問題，導致地產市場不振。當經濟放慢，熱錢為何仍要留下？
從熱錢角度來看，當全球股市最後一個“避風港”都冇處容身既時候，會否係商品市場既世界呢?
沒有留言:
張貼留言